Ջրամեկուսիչ մաստիկա (մածուծան)

ՄԲՊ սերիայի Այ-Սի-Բիթին պատկանում է բիտումային ջրամեկուսիչ մաստիկաների դասին, որոնք պնդանում են սառելու սկզբունքով:

Ջրամեկուսիչ շերտի ստեղծման համար նվազագույն ծախսը ( 2ից 3 կգ/մ2 ), միջավայրի բիոլոգիական պասիվությունը (մաստիկայի շերտերում չեն բազմանում սնկերի և բակտերիաների սպորներ), քսելու համար նախատեսված նվազագույն ջերմաստիճանը (- 10°C) – սրանք այս նյութի առավելություններն են: Մաստիկայի հեղուկ զանգվածի և չորի տարբերությունը կազմում է 80±5%:

ՄԲՊ սերիայի Այ-Սի-Բիթին բիտումի մեջ լուծված հատուկ մշակված հավելանյութերի, լցանյութերի եւ միներալային նյութերի սուսպենզիա է:

Կիրառումը

Այ-Սի-Բիթի ՄԲՊ ջրամեկուսիչ բիտումային մաստիկաների հիմնական դերը փայտյա, երկաթբետոնյա, մետաղական և այլ շինարարական կոնստուկցիաների ջրամեկուսիչ շերտերի ստեղծումն է: Այն նաև օգտագործվում է խողովակաշարերի ջրամեկուսիչ շերտի ստեղծման համար:

Օգտագործումը եվ շահագործումը

Այ-Սի-Բիթի ՄԲՊ ջրամեկուսիչ մաստիկաներն ամրացվում (քսվում) են միայն մանրամասն պատրաստված հիմքի վրա: Մակերևույթը պետք է լինի առավելագույնս չորացված, ամուր և կպչողականությունը թուլացնող նյութերից մաքրված: Եթե մաստիկան կիրառվում է որպես ջրամեկուսիչ, մասնագետները խորհուրդ են տաիս այն քսելուց առաջ միներալային մակերեսը գրունտավորել (հիմնաներկել), որի համար օգտագործվում է Այ-Սի-Բիթի Պրայմերը: Քսելուց առաջ մաստիկան լավ խառնվում է, դատարկվում, որից հետո ռետինային կամ փափուկ ներկագլանի (վալիկ) կամ վրձինների միջոցով համաչափորեն տարածվում է ողջ մակերեսով: Եթե մաստիկան քսվում է ցածր ջերմաստիճանի պայմաններում, այն +30ից մինչև 50°C նախօրոք տաքացնում են: Թույլ է տրվում մաստիկայի խտությունը թուլացնել՝ ավելացնելով ուայթ-սպիրիտ ( լուծիչ), բենզին և այլն:

Շահագործման պայմանները

Այ-Սի-Բիթի ՄԲՊ ջրամեկուսիչ մաստիկաների վերոնշյալ հատկանիշներից ելնելով՝ հարկ է նշել, որ շահագործման հատուկ պայմաններ չեն պահանջվում: Այ-Սի-Բիթի ՄԲՊ ջրամեկուսիչ մաստիկաները կարող են օգտագործվել ցանկացած կլիմայական գոտում, որոնց ջերմային ցուցանիշները համապատասխանում են նյութի հատկանիշներին: